Kinsa ang Allah?

Kadaghanan sa mga tawo nakaila kaayo sa ilang ginikanan.Nailhan nila ang ilang mga dagway, tingog ug kumpas sa pagsulti, bayhon o panlihuk-lihok, mga gusto nila ug mga dili gusto apil na niini ang mga pulong nga kanunay nila mabati gikan kanila ug tungod niini kadtong anak nga wala makaila ug magkabana sa iyang ginikanan nga nag-atiman kaniya NGA MAILHAN KINI, dili takus motawag kanilang ginikanan tungod sa kawalay puangod niini, nga bisan na lamang sa pag-ila sa kaugalingong ginikanan wala tagai ug pagtagad ug kabug-aton.

IGSOON KO DIIN KA BA GIKAN? ASA KA BA PAINGON? KINSAY MILALANG KANIMO? MAY TULUBAGON KA BA SA MGA BUHAT MO NGA GIHIMO NIINING KINABUHIA? MAY GAHUM KABANG MABUHI SA KANUNAY? MAKAHIMO KABA SA PAGPATUMAN SA TANAN NIMONG GUSTO?MAKABUOT KABA SA PANGHITABU SA IMONG KINABUHI?KON MATUBAG MO NA KINING TANAN, PANGUTAN-A DAYON ANG IMONG KAUGALINGON. DIIN BA GAYUD AKO GIKAN? KINSAY IKAATUBANG NAKO KON MAMATAY NA AKO? KINSA BA GAYUD ANG NAGBUHAT NAKO? GANTIHAN BA AKO SA MAAYO KONG NABUHAT UG SILOTAN BA AKO SA DAUTAN KONG NABUHAT? NGANONG DI KO MAN KAPUGNGAN ANG KAMATAYON NGA MOABUT NAKO?

Walay tubag kining tanan gawas nga dawaton nimo naa kay sinugdan ug naa kay katapusan. Walay tubag kining tanan gawas nga dawaton nimo nga dunay nagpasugod ning tanan ug dunay motapos ning tanan.

UG KANA SIYA MAO ANG MAGLALANG, MAGBUBUOT UG TIG-ATIMAN SA IYANG MGA LINALANG UG MAGHUHUKOM. SIYA MAO ANG ALLAH.